2003ko azaroan, TESTER proiektua lehenengo aldiz, proiektuaren "adabegiak" izenekoen eskutik, jendaurrean aurkeztu ondoren, orain, TESTER BOOK (Trabajo de nodos / Adabegiak lanean / Nodes at work) argitalpena aurkezten dugu. Bertan, koordinatzaileen testuak, testu teorikoak, esku-hartze grafikoak eta proiektuen ekoizpenaren aurrerapena biltzen dira.

Argitalpenak, hiru zatitan banatuta, agerian jartzen du era grafikoan, edukien aurkibidean, TESTER sarearen zabalpena, bai eta sareari eusten dioten adabegien lana ere. Adabegi edo koordinatzaile horietako bakoitzak, bere testua eskaintzeaz gain ( 1. atala ), 2. atala osatzen duten ekarpen teorikoak egin dituzten kolaboratzaileak gonbidatu ditu. Bestalde, 3. atalean , TESTER lanaren hurrengo fasean ekoiztuko diren artisten proiektuak aurki daitezke.

Liburuak, euskaraz, gaztelaniaz eta ingelesez argitaratuak, saiakera multzo bat biltzen du, euskal argitalpen munduan berria dena, kultura digitalari buruz, egungo arte eta kulturaren euskarri berriei buruz, arte egintzaren ikuspegi politikoa kontuan izanda .

Jakintzaren zirkulazio librea eta ondasun materiagabeen gozatze kolektiboa sustatzen duen "Copyleft" formula erabilita editatu den argitalpena da. Gaur egun jabetza intelektualari buruz indarrean dauden "Copyright" formularen eta ikuspegi merkantilisten aurka azaltzen den kontzeptua da "Copyleft".