“Disobbedienti” izeneko bideoak Disobbedienti-ren jatorriak, euren oinarri politikoak eta zuzeneko ekintza-motak hartzen ditu aztergai; horretarako, mugimendu horretako zazpi kiderekin izandako elkarrizketetan oinarritu da.

Disobbedienti-ak “Tute Bianche” izeneko mugimendutik sortu ziren, Genoa-n G8-koen gailurraren aurkako kale-erakustaldietan. “Tute Bianche” izenekoak zuriz jantzitako italiar aktibistak ziren; euren gorputzak protesta-ekintzetan eta kale-erakustaldietan erabiltzen zituzten desobedientzia zibilerako arma gisa —kautxuzko aparrak, hagunak, kaskoak, gas-maskarak eta ezkutu babesgarriak, denak eurek beraiek eginak, zerabiltzatelarik.

Genoa-ko G8-koen gailurrean Tute Bianche delakoek jantzi zuria (izena eman ziena) kentzea erabaki zuten, eta horren ordez, globalizazioaren aurkako 300.000 partehartzaileekin nahastu ziren aurrerantzean. Tute Bianchi izatetik Disobbedienti-iak izatera igaro ziren, eta horren ondorioz, bilakaera berria gertatu zen, “desobedientzia zibiletik” “desobedientzia sozialera” igaro baitziren.

OLIVER RESSLER

Oliver Ressler 1970ean jaio zen; Vienan bizi eta lan egiten du. Oliver Ressler-ren lanak hainbat gai sozio-politikori engaiaturiko proiektuak dira. 1994. urteaz geroztik erakusketak, proiektu bereziak eta bideoak egiten ibili da, jorratu dituen gaiak honako hauek direlarik: arrazakeria, ekonomiaren globalizazioa, garapen eramangarria, injinerutza genetikoa eta erresistentzia-motak. Egin berri dituen erakusketa eta proiektuen artetik nabarmentzekoak dira “Alternative Economics”, Galerija Skuc, Ljubljana (SI); Kunstraum Lüneburg (G), “European Corrections Corporation” (M. Kreen-ekin batera), eta Graz & Wels-en egindako espazio publikoa (A); “This is what democracy looks like!”, Plattform, Berlin (G). Ressler-rek taldekako hainbat erakustalditan, bideo-jaialditan eta aurkezpen ugaritan hartu du parte Europan eta Amerikan.

www.ressler.at