Ildo horretan, indartze lokala da mugimendu garrantzitsuena egungo munduan, kontzeptu globalen ezartze lokala baita. Estrategia politiko, sozial eta mediatikoek sormen garaikidearen barruko perspektibak ikustera behartzen gaituzte definizio horiek erabiliz. Aurkezpen horien asmoa Latinoamerikan hiru maila horietan ematen diren lanak ezagutzera ematea da. Horrela, normalean haien artean isolatuak dauden herriek (kontinente ezberdinetako taldeek, alegia) elkarrekin lan egin ahal izateko erabiltzen dituzten estrategiak hausnar ditzakegu. Nola bildu? Zertarako? Noraino da garrantzitsua hizkuntza? Mass-mediek baino garrantzia handiagoa al du? Horixe da, hain zuzen, publikoren aurrean eztabaidatuko duguna.

JOSE CARLOS MARIATEGUI (LIMA)

Hedabideetako zientzialari eta teorialaria. Alta Tecnologia Andina elkarteko lehendakaria. Gobernuz kanpoko erakundea da, arte, zientzia eta teknologiako ikerketak egiten dituena. CICVn, Frantzian, dago. Cayetano Heredia Unibertsitateko Filosofia eta Pentsamendu Zientifikoari buruzko programako kidea. Peruko hiriburuko Bideo/Arte/Elektronikako Nazioarteko Jaialdiko koordinatzaile nagusia 1998tik aurrera. Errealitate birtualari, elkarreraginari, konputazioari eta bizitza artifizialari buruzko batzordeetako kidea. Arte Elektronikoetako Sozietate arteko Kultur Ezberdintasuneko (ISEA) batzordekidea, Japoniako Nagoyako Isea 2002ko International Programing Comitee (IPC) batzordeko kidea eta 13. Bideobrasil (Sao Paulo, 2001)lehiaketako epaimahai ofizialeko kidea. Leonardo aldizkariak argitaratutako Leonardo Elektronic Almanac-eko editorea eta MIT Press-ekoa (2002). Kulturako Batzorde Nazionaleko kidea, Peruko Errepublikako lehendakariaren ardurapean dagoen goi mailako batzordekoa, hain zuzen. Hitzaldi asko eman ditu eta artikulu ugari idatzi Perun bertan nahiz atzerrian.